Redmi Note 9 Bar Bar Restart Ho Raha Hai? | Ye 5 Galtiyan Zaroor Check Karein
The Redmi Note 9 phone chalate chalate automatic restart mode me chala gya hai? Ya baar baar band hokar open ho raha hai? Apke Redmi Note 9 mobile ke automatic restart issue ka permanent solution batayenge. Aapko sabse pehle 5 galtiya check krna hai.
“Hello, Doston, Mera naam Ashish Verma hai. Main Lucknow mein mobile repair shop (Mywaptech Mobile World) chalata hoon. Main apko Aaj Redmi Note 9 restart problem ka full solution 5 steps me phone ko step-by-step test krke thik karenge.
Shopkeeper Steps
1. On/off patta
2. Battery issue
3. Charging main patta
4. Motherboard Half shorting
5. Motherboard fully shorting
Customer steps: self-checkup
- Self-checkup
- Hard restart
- Battery issue self-checkup
Shopkeeper Steps
1. On/off patta
Redmi Note 9 phone ka on-off patta. Check karna hai. Shopkeeper, hai aap to. Sabse pehle aap mobile ko khole aur mobile on kare. Fir motherboards ko on/off patte ke touch se dur kare. Dekhe ki phone puri tarah on ho rha hai ya nhi. Agar mobile on ho gaya hai, fir on/off patte ko fir se board me touch kare, phone automatic restart hone lage, matlab on/off patte se hi problem hai.
Solution: On-off patta change kr do.
2. Battery issue
Redmi ke phones me akasar sabse badi problem battery se aati hai. Jisse aap phone par jab koi load (YouTube chalana, call karna) dalate hain, tabhi phone restart ho jata hai. Sabse pehle Redmi Note 9 mobile ko charging par lga kar check kare ki phone reboot ho rha hai ya nhi. Agar charging par phone sahi chal rha hai, to iska matlab battery half supply de rha hai.
Solution: Iss condition mein battery change kr dijiye.
Note – Kuch dukandar battery ko short krke de dete hai. Jisse problem to sahi ho jati hai, but iss condition me phone chalan khatarnak rhta hai. Battery fatne ka dar rhta hai. Aisa na kare.
3. Charging main patta
Bahut se shopkeepers pura motherboard check kr dalte hai fir bhi pta nhi chalta hai ki phone me problem kya hai. But unka dhyan kabhi main patta par nhi jata hai. Redmi Note 9 reboot problem kabhi-kabhi main patte ke Karan bhi hota hai. Sabse pehle phone open karke battery ka patta disable karke main patta disable kare, fir battery laga kar phone on kijiyega. Phone pura on ho jayega. Fir se charging ka main patta lagte hi phone reboot mode me chala jayega.
Solution: Iss condition me main patta change kr dijiye, phone sahi ho jayega.
4. Motherboard Half shorting
Repair wale bhaiya, apne upar ke 3 step check kr liye hai, fir bhi problem nhi mil rhi hai. Redmi Note 9 phone fir bhi hang logo me chala jaa rha hai. To ab apko sidhe sidhe ek kaam krna hai, bahut hi easy hai. Motherboard ke niche Wale part me 4G PFO IC (Power Frequency Oscillator Integrated Circuit) ke pass thermistor ko nikal dijiye ya sabse achcha Tarika replace kr dijiye. Redmi Note 9 hang logo problem sahi ho jayegi.
Solution: Iss problem ko fix krne ke liye aapko niche diye photo me dekhe ki kon sa thermistor aapko replace krna ya nikalna hai.
5. CPU or Emmc IC problem
Last step & hard step hai. Advance label ka work hota hai, so agar aapne training li ho tabhi ye step kare nhi to phone permanent dead ho skta hai.
CPU Heating or Weak Balls
The Redmi Note 9 phone ka jaise hi on krte hai, the CPU heating krne lgta hai, matlab apko ab CPU reball krna hoga.
Symptoms:
- Phone on hote hi restart hona
- Logo aate hi reboot ho jana
- Normal temperature par bhi restart
- Pressure dene par kabhi-kabhi on ho jana
- CPU Heating kar raha hai
Solution: Apko CPU ki proper reballing karni hogi. Local heat dekhar sahi krne ki kosis na kare; problem permanent ke liye sahi nhi hogi aur customer bhi naraj hoga, aur trust bhi chala jayega.
eMMC (Storage IC) heating/Corrupt Data
Redmi note 9 ki eMMC se problem hai to ye normal symptoms apko phone me dikhenge.
Symptoms:
- Boot logo par atak kar restart hona
- Flash ke baad bhi problem same ho rahi hai
- Storage full warning ke baad issue aya hai
- Emmc heating kar rahi hai
Solution: eMMC reballing ya replacement karni hogi.
Note: When eMMC par jab kabhi bhi work hota hai, storage data loss hone ka khatra bhi hota hai, so customer ko iske storage data loss hone ke bare me jarur btaye.
Customer steps
Self-checkup
Agar aap customer hai aur aapka Redmi Note 9 phone chalate chalate hi reboot stithi me pahuch jata hai. To sabse pehle apko ghabarana nhi hai. Niche diye gaye steps ko follow kare.
Hard restart
Sabse pehle aap phone ko hard reboot kijiye. (On-off and volume up-down teeno buttons ko ek sath press rakhna hai; hard restart ho jayega.)
Battery issue self-checkup
Hard restart se phone thodi der ke liye sahi ho jata hai, fir kuch chalane par phone restart ho ja rha hai. To iske liye aap mobile ko charging par lagake chalaye thodi der ke liye dekhe phone charging par sahi chal rha hai reboot nhi ho rha hai aur jaise hi charging se phone nikalte hi reboot ho ja rha hai to iska matlab aapka phone battery change krne ko kah rha hai. Kisi nazdeek mobile repairing shop par jaake achchi battery change karwa lijiye.
Note: Dhyan rahe agar apko dukandar par trust ho tabhi phone deke battery change karwaye nhi to kuch dukandar battery short krke hi bol dete hai ki battery change kr di hai jisse apke battery ke fatne ke chances rehte hai. Samne hi battery change karwaye, sahi rhta hai ya dukandar bharoshe wala ho.